[ad_1]
( प्रगत भारत । pragatbharat.com)
अर्ध्या तासापासून करा सुरूवात
वजन कमी करण्यासाठी जर तुम्ही इव्हिनिंग वॉक करणार असाल तर सर्वात पहिले तुम्ही कोणत्या वेळेत चालणार याची वेळ निर्धारित करता. जर तुम्ही नुकतीच सुरूवात करणार असाल तर अर्धा तास चालण्यापासून तुम्ही सुरूवात करा आणि नंतर हळूहळू चालण्याची वेळ वाढवा.
वॉर्म अप गरजेचे
कोणत्याही व्यायामाच्या आधी वॉर्म अपची गरज आहे. हाच नियम वॉकिंगसाठीही लागू होतो. त्यामुळे तुम्ही चालण्याची गती सुरुवातीला कमी ठेवा. तुमचे शरीर एकदा वॉर्म अप झाले की चालण्याची गती वाढवा. यानंतर तुम्ही जलद गतीने चाला याला Brisk Walking असंही म्हणतात. यामुळे वजन त्वरीत कमी करण्यास मदत मिळते आणि लवकर वेट लॉस होतो.
(वाचा – सकाळी उठल्यानंतर किती वेळात प्यावा चहा वा कॉफी, अन्यथा होईल असे नुकसान)
वजन तपासत राहा
कोणतीही गोष्ट करण्यासाठी ध्येयाची गरज आहे. त्यामुळे वजन कमी करण्याचे ध्येय निश्चित करा. फिटनेसचे ध्येय डोळ्यासमोर ठेऊन चालायला सुरूवात करा आणि त्याआधी स्वतःचे वजन नक्की किती आहे ते पहिले तपासून घ्या.
साधारण एक आठवड्याने किती वजन घटले आहे ते पाहा आणि त्यानुसार आपण आपले वजन नियंत्रणात ठेवण्यासाठी किती चालायचे आहे ते ठरवा. वजन कमी झाले आहे हे कळले तर अधिक जोमाने चालता येऊ शकते.
(वाचा – उलटे चालण्याचे फायदे माहीत आहेत का? १५ मिनिट चालण्याने पोटावरची लटकलेली चरबी होईल गायब)
१५ मिनिट्सपासून करा सुरूवात
संध्याकाळी वॉकिंग सुरू करणार असाल तर याची सुरूवात १५ मिनिट्स चालण्यापासून करा. त्यानंतर वेळ वाढवून अर्धा तास करा आणि नंतर रोज १ तास चाला. सुरूवातीला हे कठीण वाटेल मात्र एकदा सवय झाल्यानंतर आणि वजन कमी होतंय कळल्यानंतर ही गती वाढवणं योग्य आहे हे तुम्हाला जाणवेल.
(वाचा – नाभीमध्ये तेल घालणे किती ठरते फायदेशीर, कोणत्या आजारासाठी कोणत्या तेलाचा कराल वापर)
थकवा जाणवल्यास
चालताना तुम्हाला जर अचानक थकवा जाणवायला लागला तर चालत राहू नका. त्वरीत ब्रेक घ्या आणि एखाद्या ठिकाणी बसा आणि स्वतःच्या शरीराला आराम द्या. यासह थोडे पाणी प्या. थोड्यावेळानंतर उत्साह जाणवेल. त्यानंतर चालू नका. दुसऱ्या दिवशी चाला.
योग्य बूट्सची करा निवड
चालण्यासाठी पायात योग्य बूट्स घालणे गरजेचे आहे. यामुळे तुम्ही आरामदायी चालू शकता आणि अधिक वेळ चालल्यामुळे तुमचे पाय दुखणार नाहीत आणि थकवाही जाणवणार नाही हे लक्षात घ्या.
[ad_2]
